Prej 28 vitesh panairi i librit hap dyert për të gjithë lexuesit. Autorë, botues, përkthyes bëhen bashkë e një qëllim të vetëm, afrimin e lexuesit me librin.
Mbi 90 shtëpi dhe ente botuese kanë bërë gati me dhjetëra botime të reja, prezantime të veprave të autorëve shqiptarë dhe të huaj duke e kthyer këtë panair një festë të vërtetë të letërsisë. Në katin e dytë as këtë vit nuk mungon stenda e botimeve “Living” e cila sërish sjell një gamë të gjerë titujsh që përmbushin kërkesat dhe shijet artistike të çdokujt.
Nxënësit e shkollave dhe të moshuarit ishin të parët që iu drejtuan panairit. Një pjesë e të cilëve vijojnë të mbeten lexues besnik, e që nuk mungojnë në asnjë edicion të eventit më të madh dedikuar letërsisë.
Nga ana tjetër organizatorët theksuan rëndësinë e promovimit të leximit në kohët moderne, e mbi të gjitha u ndalën në problematikat dhe vështirësitë që po hasin prej vitesh.
Dyerve të Pallatit të Kongreseve do të jenë të hapura deri më datë 16 nëntor, dhe përgjatë këtyre ditëve përveç uljeve, nuk do të mungojnë as tryezat e diskutimit e deri tek ndarja e çmimeve.
/vizionplus.tv