Berlusconi del nga spitali pas 45 ditësh

Pinterest LinkedIn Tumblr +
Berlusconi del nga spitali pas 45 ditësh

Ish-kryeministri italian, Silvio Berlusconi, është liruar të premten nga spitali, pas një trajtimi 45-ditor.

 

Berlusconi, 86-vjeçar, është larguar nga spitali San Raffaele në Milano, dhe është parë duke i përshëndetur gazetarët.

 

Advertisement

Ai është shtruar në spital në fillim të muajit prill, për shkak të pneumonisë, dhe mjekët kanë thënë se ai është trajtuar edhe për leukemi kronike.

 

Politikani dhe manjati i mediave ka qenë në kujdes intensiv për gati dy javë.

 

Advertisement

Kryeministrja italiane, Giorgia Meloni, ka thënë të premten në Twitter se pret që bashkëpunëtori i saj konservator të kthehet, për “të luftuar shumë beteja tjera bashkë”.

 

Berlusconi e ka formësuar jetën politike italiane për disa dekada.

 

Advertisement

Popullisti i krahut të djathtë, ka qenë kryeministër katër herë, me disa pauza, prej vitit 1994 deri më 2011.

 

Ai aktualisht e ka një ulëse në Senat, një prej dhomave të parlamentit në Romë.

 

Advertisement

Berlusconi ka pasur probleme shëndetësore me vite.

 

Në fund të vitit 2020, ai është infektuar me koronavirus, ndërsa më 2016 i është nënshtruar një operimi në zemër./rel

Advertisement
Share.

Comments are closed.

Copyright © 2023 Struga.info | Privacy policy