Bëni Like Struga.info në Facebook


Betejë e ashpër për Soledarin/ Zelensky: Do mbrojmë çdo qytet dhe fshat

Pinterest LinkedIn Tumblr +
Betejë e ashpër për Soledarin/ Zelensky: Do mbrojmë çdo qytet dhe fshat

Fati i Soledar mbetet i panjohur, ndërsa vazhdojnë luftimet e ashpra midis trupave ukrainase dhe ruse.

 

Moska pretendoi se forcat e saj kishin pushtuar qytetin e rrethuar lindor të Ukrainës, por ky njoftim u  mohua menjëherë nga Kievi. Nëse kjo është e vërtetë, do të shënonte një fitore të rrallë për Rusinë, pas disa muaj disfatash.

 

Advertisement

Soledar, një qytet i vogël minierash kripe në rajonin e Donetsk, ka qenë vendi i një beteje të ashpër muajt e fundit, me Rusinë që grumbullon mercenarë nga grupi famëkeq Wagner.

 

Në fjalimin e zakonshëm presidenti Volodimir Zelenski falënderoi forcat ukrainase që vazhdojnë me guxim rezistencën.

 

Advertisement

“Beteja e ashpër për Donetsk vazhdon. Beteja për Bakhmutin dhe Soledarin, për qytetet dhe fshatrat e tjera në lindje të shtetit tonë vazhdon. Edhe pse armiku ka përqendruar forcat e tij kryesore në këtë drejtim, ushtarët tanë, Forcat e Armatosura të Ukrainës, të gjitha forcat e mbrojtjes dhe të sigurisë po mbrojnë shtetin. Falënderoj çdo ushtar, rreshter e oficer brigade dhe njësitë e tjera të ushtrisë që kryejnë me guxim dhe këmbëngulje detyrat e tyre!”

 

Që nga fillimi i luftës në shkurt të vitit të kaluar, Rusia ka vendosur si prioritet marrjen e kontrollit të plotë të Donbasit, një rajon i çmuar industrial i përbërë nga provincat Donetsk dhe Luhansk.

Advertisement
Share.

Comments are closed.

Copyright © 2022 Struga.info | Privacy policy