Dhjetë vrasësit më të tmerrshëm të krimit të organizuar në histori

Pinterest LinkedIn Tumblr +
Dhjetë vrasësit më të tmerrshëm të krimit të organizuar në histori

Sot ka shumë filma, libra, madje edhe shfaqje televizive që flasin mbi mafien. Që të gjithë përpiqen të ofrojnë një përshkrim të thellë të stilin e jetës brenda pjesëtarëve të krimit të organizuar. Dhe popullariteti i tyre vetëm sa po rritet. Njerëzit janë të magjepsur pas kësaj mënyre jetese, dhe janë shumë kureshtarë të mësojnë më shumë rreth saj.

Nuk dihet me saktësi se çfarë e intrigon auditorin, por mund të jenë axhendat e fshehura, aktivitetet kriminale, apo jeta luksoze që bëjnë disa nga anëtarët e grupimeve mafioze.

Sido që të jetë e vërteta, një gjë është e sigurt:organizatat kriminale janë të rrezikshme, dhe nuk kanë frikë të vrasin cilindo që u prish punë. Por pse këta njerëz u bashkohen grupeve të tilla, dhe si nisi gjithçka? Ja cilat janë 10 nga vrasësit më famëkeq të mafies në histori.

Abe Reles

Advertisement

Abe Reles ishte vërtet një vrasës i lindur. Ai ishte një njeri shumë i dhunshëm, me një temperament tejet të paparashikueshëm, dhe anëtar i organizatës famëkeqe “Murder, Inc”. Kjo e fundit ishte seksioni që kryente vrasjet në emër të mafies amerikane, dhe që besohet

se vrau deri në 1.000 njerëz në vitet 1930-1940.

Reles ishte i njohur për përdorimin e një kaçavide mbi viktimat e tij, të cilën ai e fuste në trurin e tyre përmes veshëve. Reles ishte një tip inatçor, dhe i përdorte vrasjet si një zgjidhje për zemërimin e tij. Në një rast ai vrau një punonjës të parkingut vetëm për mos-sjelljen shumë shpejt të makinës së tij.

Advertisement

Reles i shpëtoi dënimit me vdekje, duke i dhënë policisë informacione të detajuara mbi pjesëtarët e organizatës “Murder, Inc”. Por rrëfimi në polici ishte edhe fundi i tij. Mafiozët nuk i kanë qejf të penduarit, dhe në vitin 1941 Reles u gjet i vrarë në trotuarin jashtë hotelit ku banonte.

Salvatore Gravano

Salvatore Gravano i braktisi vjedhjet e vogla dhe përleshjet me grushte në rrugë, për

Advertisement

t’u bërë ushtari i mafiozit të njohur italo-amerikan Xho Kolombo në fundin e viteve 1960. Gravano ishte i vendosur t’i bënte përshtypje shefit të tij, duke kryer disa vrasje brutale, të cilat i dhanë atij respekt në radhët e mafiozëve.

Gravano i ngjiti shpejt shkallët e hierarkisë në familjen mafioze Kolombo, duke u bërë numri 2 i saj. Në një moment ai ngriti një biznes në fushën e transportit me kamionë, teksa në fshehtësi kryente kontrabandë. Dhe rezultoi të ishte një biznesmen i lindur. Shumë shpejt, Salvatore Gravano u shndërrua në një multimilioner.

Sidoqoftë, kohët e mira nuk zgjatën shumë. Kur policia e arrestoi, Gravano e shiti partnerin e tij në biznesin e tij kriminal. Prandaj pavarësisht përfshirjes së tij në të paktën 19 vrasje, autoritetet në SHBA e dënuan në vitin 1994 me vetëm 5 vjet burg.

Sem De Stefano

Advertisement

Sem De Stefano e nisi karrierën e tij si një kriminel, dhe si një zbatues i “porosive” të vogla nga shefat e tij mafiozë. Por nuk kaloi shumë kohë para se t’i bashkohej bandës famëkeqe të Çikagos “Forty-Two Gang” vitin 1930. Disa vjet më vonë, ai u bë një nga xhelatët më mizorë të borxhlinjve të këqij, si të droguarit dhe varfrit.

Kur këta të fundit nuk arrinin të shlyenin në kohë borxhin, ai i çonte në “dhomën e provave të zërit” në bodrumin e tij, dhe i torturonte deri në vdekje. De Stefano provonte shumë kënaqësi duke  i vrarë viktimat e tij. Ai u arrestua me akuzën e vrasjes, por bashkëpunëtori i tij e vrau atë para se gjykata të jepte verdiktin e saj.

Frenk Abandando

Advertisement

Frenk Abandando, ishte një vrasës i pamëshirshëm me banim në Nju Jork. Ai thuhet se është përgjegjës për deri në 30 vrasje, por ka shumë të ngjarë të ketë kryer shumë të tjera. Ai i vriste shumicën e viktimave të tij duke i goditur me thikë në gjoks, por përdorte edhe objekte të tjera.

Abandando u arrestua në majin e vitit 1940, por nuk arriti që ta kuptonte seriozitetin e situatës ku ndodhej. Madje në një moment e kërcënoi hapur gjyqtarin e çështjes. Abandando nuk e dinte që Abe Reles kishte nisur të bashkëpunonte me policinë. Frenk Abandando u ekzekutua me vdekje në karrigen elektrike në vitin 1942.

Herri Shtraus

Advertisement

Herri Shtraus ishte një anëtar tjetër i “Murder, Inc”. Ai ishte anëtari më i dhunshëm i organizatës së killerave. Disa historianë të krimit, thonë se ai ka vrarë midis 50-100 njerëzve. Shtraus u arrestua plot 18 herë, por nuk u dënua asnjëherë deri në rënien e “Murder, Inc.” në vitin 1940. Gjatë gjykimit, përpjekja e tij për të dalë si mendërisht i paqëndrueshëm dështoi, dhe ai u ekzekutua në vitin 1941 në karrigen elektrike. vijon (CNA.al)

Share.

Comments are closed.

Copyright © 2021 Struga.info | Privacy policy