Erdogan betohet si president edhe për një mandat pesëvjeçar

Pinterest LinkedIn Tumblr +
Erdogan betohet si president edhe për një mandat pesëvjeçar

Presidenti turk, Recep Tayyip Erdogan, është betuar të shtunën për mandatin e ri presidencial në Ankara.

 

Teksa e ka lexuar betimin, ai ka thënë se do t’iu përmbahet vlerave të republikës laike dhe do t’i mbrojë të drejtat e njeriut.

 

Advertisement

Teksa blloku qeveritar e ka duartrokitur, pjesëtarë të opozitës nuk janë ngritur në këmbë, në momentin e betimit, si shenjë proteste.

 

Erdogan i ka fituar zgjedhjet presidenciale më 28 maj, në rundin e balotazhit, duke i siguruar edhe pesë vjet në pushtet.

 

Advertisement

Ai veçse është në krye të Turqisë që gati 20 vjet.

 

Opozita e ka kritikuar presidentin 69-vjeçar, për ato që i konsideron tendenca “autoritare” të tij, si dhe për fushatë të padrejtë zgjedhore.

 

Advertisement

Presidenti turk tani pritet të vizitojë gjatë ditës mauzoleun e themeluesit të republikës moderne turke, Mustafa Kemal Ataturk, si dhe të takohet me mysafirë të huaj në pallatin presidencial për një darkë speicale.

 

Të shtunën, Erdogan do ta prezantojë kabinetin qeveritar.

 

Advertisement

Më shumë se 30 krerë shtetërorë dhe kryeministra janë pjesë e ceremonisë në Ankara – në mesin e tyre edhe shefi i NATO-s, Jens Stoltenberg.

 

Të premten, Parlamenti i ri turk e ka mbajtur seancën e parë, pas rrethit të parë të zgjedhjeve, të mbajtura më 14 maj.

 

Advertisement

Erdogan dhe aleatët e tij, formojnë një bllok të madh në parlamentin me 600 ulëse.

 

Megjithatë, atyre u mungon shumica e nevojshme për të kryer ndryshime ligjore.

 

Advertisement

Presidenti më pas mund t’i miratojë disa ndryshime ligjore përmes dekretit, për shkak të fuqive ekzekutive që i janë dhënë kësaj pozite, prej vitit 2018./rel

Share.

Comments are closed.

Copyright © 2023 Struga.info | Privacy policy