Gjashtë anije të ngarkuara me grurë janë larguar nga portet ukrainase të Detit të Zi që kur Moska hoqi pezullimin e një marrëveshjeje që lejon eksporte të tilla, deklaroi ministri turk i Mbrojtjes.
“Gjashtë anije janë larguar nga portet e Ukrainës që nga rifillimi i nismës së grurit”, theksoi Hulusi Akar.
”Kjo e çon numrin total të anijeve nga Ukraina në 426 – që transportojnë mbi 9,7 milionë tonë drithë që nga marrëveshja e korrikut e ndërmjetësuar nga Turqia dhe OKB”, sipas Akar.
”Turqia shpreson se marrëveshja e grurit do të ndihmojë të hapë rrugën për një armëpushim dhe paqe”, theksoi ministri turk.
Moska e anuloi pezullimin e marrëveshjes pasi një garanci ukrainase për të mos përdorur korridorin detar për armiqësi kundër Rusisë u mor me ndërmjetësimin turk.
