Ministrja Xhaçka dënon sulmet ruse në Kramatorsk: Bota të bashkohet kundër mizorive

Ministrja e Jashtme e Shqipërisë, Olta Xhaçka ka dënuar vrasjen e dhjetëra civilëve në Kramatorsk, mes të cilëve kishte edhe fëmijë.

Në një postim në “Twitter”, ajo thekson se mizoritë e bëra në këtë qytet janë një dëshmi e natyrës kriminale të agresionit rus në Ukrainë.

“Vrasja e dhjetëra civilëve në #Kramatorsk një ditë pasi u pezullua nga #HRC për shkak të mizorive që ka kryer në #Ukrainë është edhe më shumë një dëshmi e natyrës kriminale të luftës të #Rusisë. Tashmë është e qartë se këto nuk janë raste të izoluara. Vrasja e civilëve është bërë pjesë standarde e aktivitetit ushtarak të #Rusisë. Bota duhet të bashkohet për të dënuar këtë luftë mizore ilegale dhe regjimin kriminal që po e bën atë.”