OBSH kërkon “veprim të menjëhershëm” pas vdekjeve nga shurupi i kollës

Pinterest LinkedIn Tumblr +
OBSH kërkon “veprim të menjëhershëm” pas vdekjeve nga shurupi i kollës

Organizata Botërore e Shëndetësisë (OBSH) ka bërë thirrje për “veprim të menjëhershëm dhe të koordinuar” për të mbrojtur fëmijët nga ilaçet e kontaminuara, pas një morie vdekjesh të fëmijëve që ndodhën vitin e kaluar, të lidhura me shurupet e kollës.

 

 

Në vitin 2022, më shumë se 300 fëmijë, kryesisht të moshës nën 5 vjeç, vdiqën nga dëmtimi akut i veshkave në Gambi, Indonezi dhe Uzbekistan.

Advertisement

 

 

Këto vdekje dyshohet se u shkaktuan nga ilaçe të kontaminuara, tha OBSH në një deklaratë më 24 janar.

 

Advertisement

 

Shurupet e kollës, pa recetë, kishin nivele të larta të dietilenit glikolit dhe etilenit glikolit.

 

 

Advertisement

“Këta ndotës janë kimikate toksike që përdoren si tretës industrialë dhe mund të jenë fatale edhe nëse merren në sasi të vogla. Ato nuk duhet të gjenden kurrë në ilaçe”, tha OBSH.

 

 

Organizata Botërore e Shëndetësisë tha se shtatë vende kishin raportuar se kishin gjetur shurupe të kontaminuara në katër muajt e fundit dhe u bëri thirrje 194 shteteve anëtare në këtë organizatë për veprim për të parandaluar më shumë vdekje.

Advertisement

 

 

“Meqenëse këto nuk janë incidente të izoluara, OBSH u bën thirrje palëve të përfshira në zinxhirin e furnizimit mjekësor të ndërmarrin veprime të menjëhershme dhe të koordinuara”, tha OBSH. Rel/

Advertisement
Share.

Comments are closed.

Copyright © 2023 Struga.info | Privacy policy