Turqia: Zgjatja e marrëveshjes së grurit të Detit të Zi po afrohet

Turqia ka bërë me dije se zgjatja e marrëveshjes së grurit po afron.

Përmes një deklarate zyrtare të Ministrisë së Mbrotjes së Turqisë, u bë me dije se Ukrain dhe Rusia po përparojnë në gjetjen e gjuhës së përbashkët lidhur me këtë çështje. Gjithashtu, në deklaratë u bë e ditur se ky proces po ndërmjetësohet nga Organizata e Kombeve të Bashkuara.

“Informacionet e para që vijnë nga takimi janë se ka ecur pozitivisht. Ne po shkojmë drejt një marrëveshjeje për të zgjeruar korridorin e grurit,” tha ministria në një deklaratë.

Marrëveshja aktuale, e cila mundëson eksportin e sigurt të grurit ukrainas përmes porteve të vendeve të Detit të Zi, u rinovua për 60 ditë në mars dhe do të përfundojë më 18 maj.