Vishnin kostume e zhvasnin turistët/ Policia italiane kap ‘gladiatorët e Koloseut’ në Romë

Pinterest LinkedIn Tumblr +
Vishnin kostume e zhvasnin turistët/ Policia italiane kap ‘gladiatorët e Koloseut’ në Romë

Zakonisht janë turistët ata që sillen keq në Itali, por këtë herë tre burra të akuzuar për krime jashtë Koloseut, janë vendas.

 

 

Burrat janë arrestuar pasi dyshohet se zhvatnin turistët. Të tre burrat visheshin si gladiatorë dhe iu kërkonin para turistëve për të bërë të ashtuquajturat ‘selfie perandorake’.

Advertisement

 

 

Policia italiane ka njoftuar se gjatë muajit gusht dhe shtator të këtij viti, kishte mbërritur një numër ankesash nga turistë të huaj të cilëve iu ishin zhvatur shuma parash deri në 500 euro.

 

Advertisement

 

Burrat e veshur si gladiatorë i ftonin ‘viktimat’ e tyre të bënin një “selfie perandorake” me ta jashtë Koloseut dhe më pas kërkonin para. Ndonjëherë përdorej edhe “dhuna dhe kërcënimet”.

 

 

Advertisement

Një turisti italian iu kërkua 40 euro; kur ai ka thënë jo, dy nga të dyshuarit e kanë rrethuar, e kanë kërcënuar se do ta rrahin dhe dyshohet se i kanë zhvatur 150 euro.

 

 

Një turist irlandez ishte detyruar nga ‘gladiatorët’ të shkonte deri në bankomat pasi iu kishte thënë se nuk kishte para në ‘cash’.

Advertisement

 

 

E ndihmuar nga Prokuroria Publike e Romës, policia identifikoi tre personat dhe për ta ka marrë masën e sigurisë. Dy prej tyre janë vendosur në arrest shtëpiak dhe një në paraburgim.

 

Advertisement

 

 

Gladiatorët e rremë të Romës të cilët zakonisht vishen si ushtarë, kanë qenë prej kohësh një problem. Është e paligjshme të detyrosh turistët të paguajnë për fotot, megjithëse disa duket se nuk e kanë marrë memorandumin.

 

Advertisement

 

Në janar, dy romakë u gjobitën me 13,500 euro kur u kapën duke iu kërkuar para turistëve.

Share.

Comments are closed.

Copyright © 2023 Struga.info | Privacy policy