Bekteshi: Të gjithë tregtarët në vendet turistike do të mund të punojnë të dielave dhe gjatë festave

Pinterest LinkedIn Tumblr +

Kuvendi i Maqedonisë së Veriut sot miratoi ndryshimet në Ligjin për tregti me të cilin u lejohet puna të dielave dhe gjatë festave publike të gjithë shitësve me pakicë dhe shumicë në vendet turistike, të përcaktuara me Ligjin për turizëm, njoftoi në Facebook ministri i Ekonomisë Kreshnik Bekteshi.

Sipas Ministrit, ndryshimet në Ligjin për tregtinë pritet të stimulojnë edhe më tej aktivitetin ekonomik në vend, veçanërisht në destinacionet turistike.

“Duke marrë parasysh të dhënat që i kemi nga Enti Shtetëror i Statistikave për rritjen e numrit të turistëve që nga fillimi i vitit, dhe pritshmëritë në përputhje me rezervimet tashmë të bëra për turistët e huaj që do të vizitojnë Maqedoninë e Veriut këtë sezon turistik, veçanërisht Ohrin dhe Struga, në përputhje me ndryshimet ligjore, presim rritje të aktivitetit turistik në mbarë vendin.

Ndryshimet në Ligjin për Tregtinë u miratuan përmes një dialogu të përbashkët në një proces gjithëpërfshirës me të gjitha palët e interesuara, veçanërisht në sektorin e turizmit. Punëtorët në objektet tregtare që do të punojnë të dielave dhe ditëve të festave do të përfitojnë mëditje 100 për qind”, njoftoi Bekteshi.

Advertisement

Sipas ndryshimeve të fundit në Ligjin për tregti, dyqaneve, kioskave dhe stendave në vendet turistike të përcaktuara me Ligjin për turizëm u jepet mundësia të punojnë të dielave dhe festave. Në të njëjtën kohë, dyqaneve doganore falas të vendosura në aeroportet ndërkombëtare pas pikave doganore dhe tregjeve të luleve u jepet mundësia të punojnë gjatë të dielave dhe në ditët e festave.

Këto ndryshime ligjore hyjnë në fuqi sapo të publikohen në Gazetën Zyrtare./Telegrafi/

Bekteshi: Të gjithë tregtarët në vendet turistike do të mund të punojnë të dielave dhe gjatë festave shkruan Telegrafi.

Advertisement
Share.

Comments are closed.

Copyright © 2023 Struga.info | Privacy policy