Komisionit Rregullator të Energjetikës dhe të Shërbimeve të Ujit (KRRE) iu nda Mirënjohje për bashkëpunimin e suksesshëm gjatë zbatimit të projektit të USAID-it për zhvillimin e tregjeve rajonale të energjisë.
Nga KRRE thonë se me ndihmën e USAID-it kanë përgatitur të gjitha aktet nënligjore, që rrjedhin si detyrim nga Pakoja e Tretë Energjetike e UE-së, për të cilat Komuniteti Energjetik për tri vite radhazi i ka shpallur si trupin më të mirë rregullator.
“Në praktikë, Ligji i Energjetikës tregoi se i mbron qytetarët edhe në kushte krize siç është rasti tani, në mënyrë që për momentin çmimi i ESM-së është 36,1 euro për 1 MWh , ndërkaq në bursë çmimet arrijnë edhe mbi 200 euro për 1MWh. Bashkë me USAID-in kemi përgatitur aktet nënligjore, të cilat janë krijuar ekskluzivisht për të mbrojtur konsumatorët dhe për të mundësuar stabilitet dhe siguri në dërgesën e energjisë elektrike. Miratimi i detyrimeve nga Pakoja e Tretë Energjetike, KRRE-së i solli statusin e rregullatorit më të mirë në suaza të Komunitetit Energjetik për tri vite radhazi”, deklaroi Marko Bislimoski.
Ai theksoi se investimet intensive në kapacitetet vendore energjetike, bashkimi i tregjeve, rritja e prodhimit vendor të energjisë elektrike nga burimet e rinovueshme të energjisë janë kyçe për rritjen e pavarësisë energjetike.
Bislimoski tha se skenari i gjelbërt është mundësi për tranzicionin energjetik strukturor dhe të drejtë të të gjithë sektorit energjetik.
The post Bislimoski: U dëshmua se Ligji për energjetikë i mbron qytetarët në kushte krize appeared first on Telegrafi.