Jep dorëheqje sekretari i përgjithshëm i Bashkisë së Shkupit

Pinterest LinkedIn Tumblr +

Sekretari i përgjithshëm i Bashkisë së Shkupit, Gjoko Vellkovski largohet nga posti. Informacionin për dorëheqje ai e ka ndarë me publikun në profilin e tij në Facebook, në një postim në të cilin ka theksuar se kjo vjen pasi Antikorrupsioni ka kërkuar që ai të përcaktohet në njërën prej dy funksioneve që ka pasur, ndërsa ai ka shkruar se është i zhgënjyer nga potenciali i dobët i kryetares Danella Arsovska.

“Duke pasur parasysh se në këtë pozitë kam ardhur pasi më parë jam zgjedhur këshilltar në komunën e Çairit, që është vendi ku jetoj dhe ku kam edhe obligim të kontribuoj, kërkova nga Komisioni Shtetëror për Parandalimin e Korrupsionit që të deklarohet për një gjë të tillë”.

“Këto ditë më njoftuan se do të duhet të zgjedh njërën nga ato dy pozita dhe mora vendim që të largohem nga pozita e sekretarit të përgjithshëm të Qytetit të Shkupit dhe t’i përkushtohem pozitës së këshilltarit ku jam zgjedhur nga qytetarët e Çairit. Këtë vendim e kam marrë për faktin se jam i zhgënjyer nga potenciali i dobët për punë dhe mosbashkëpunimi i kryetares Arsovska në realizimin e projekteve kapitale për Qytetin e Shkupit”, shkruan mes tjerash Vellkovski.

Jep dorëheqje sekretari i përgjithshëm i Bashkisë së Shkupit shkruan Telegrafi.

Advertisement
Share.

Comments are closed.

Copyright © 2022 Struga.info | Privacy policy