Kryeministri Dimitar Kovaçevski vlerëson se ulja e TVSH-së dhe akcizës për derivatet e naftës është duke dhënë efektet e veta, pasi siç thotë, tashmë ka filluar rënia e çmimeve.
Shton se rritja prej disa ditësh që u regjistrua në vendin tonë, erdhi si rezultat i rritjes së bursës.
Megjithatë vlerëson se disa operatorë kanë keqpërdorur këtë situatë, porositën sasi të madhe të derivateve, ndërkaq regjistruan humbje.
“Kishte sjellje spekulative. Një pjesë kanë pasur edhe humbje pasi atë ditë që ka pasur rritje, ata kanë bërë porosi të mëdha”, tha Kovaçevski.
Njoftoi se sot sërish ka rritje të bursës.
“Sa e shoh sot bursa ka rritje dhe do të shohim se si kjo do të ndikojë te ne”, tha Kovaçevski.
Kovaçevski: Ulja e TVSH-së dhe akcizës për derivatet e naftës po jep efekte shkruan Telegrafi.