MPJ e Maqedonisë i kundërpërgjigjet Zaharovës për dhurimin e tankeve ndaj Ukrainës

Pinterest LinkedIn Tumblr +
MPJ e Maqedonisë i kundërpërgjigjet Zaharovës për dhurimin e tankeve ndaj Ukrainës

Ministria e Punëve të Jashtme e Maqedonisë ka reaguar kundër deklaratës së zëdhënëses së Ministrisë së Punëve të Jashtme ruse, Marija Zaharova, e cila e quajti dhurimin e tankeve të Maqedonisë ndaj Ukrainës si veprim të gabuar.

“Republika e Maqedonisë së Veriut është shtet sovran që vendimet e veta i merr në mënyrë të pavarur, e udhëhequr nga parimet e respektimit të së drejtës ndërkombëtare, Kartës së OKB-së, parimeve dhe angazhimeve të OSBE-së për mbrojtjen e arkitekturës evropiane të sigurisë dhe stabilitetit global”, thuhet në deklaratën e përbashkët të MPJ-së dhe Ministrisë së Mbrojtjes si reagim ndaj deklaratës së zëdhënëses Zaharova.

“Që në fillim, Maqedonia e Veriut dënoi ndërhyrjen ushtarake në Ukrainë dhe qëndroi në mbështetje të integritetit territorial, sovranitetit dhe pavarësisë së Ukrainës, dhe mbi të gjitha në mbështetje të paqes, të drejtave të njeriut dhe rendit ndërkombëtar të bazuar në rregulla. Përkatësisht, deri më tani, Qeveria e Republikës së Maqedonisë së Veriut ka miratuar disa Vendime për ndihmë ushtarako-teknike me të cilat ndihmojmë Ukrainën në mbrojtjen e tërësisë së saj territoriale, e cila është e kërcënuar nga ndërhyrja ushtarake”, thuhet në njoftim.

Në njoftim thuhet së “Maqedonia e Veriut si anëtare e aleancës më të fuqishme ushtarako-politike – Aleancës së NATO-s, qëndron fuqishëm pas qëndrimit dhe vendosmërisë së Aleancës për të qenë garantues i paqes dhe sigurisë së vendeve anëtare dhe për të mbrojtur vlerat, lirinë dhe sigurinë e brezave të tanishëm dhe të ardhshëm”.

Advertisement

Zëdhënësja e Ministrisë së Punëve të Jashtme ruse, Maria Zakharova, tha sot se Moska e konsideron si gabim të madh vendimin e autoriteteve të Maqedonisë së Veriut për t’i dhuruar tanke T-72 Ukrainës.

Sipas saj, megjithëse është pajisje e vjetëruar, donacioni ofron mbështetje për “vazhdimin e aktiviteteve kriminale të regjimit në Kiev”.


Zaharova: Është gabim i madh që Maqedonia e Veriut i dhuroi tanke Ukrainës

Advertisement

MPJ e Maqedonisë i kundërpërgjigjet Zaharovës për dhurimin e tankeve ndaj Ukrainës shkruan Telegrafi.

Share.

Comments are closed.

Copyright © 2022 Struga.info | Privacy policy