Dymbëdhjetë këshilltarët e Komunës së Ohrit kanë votuar “për” pranimin e dorëheqjes së këshilltarit Nefi Useini.
Në seancën e radhës, këshilli komunal do të votojë për verifikimin e mandatit të këshilltarit, që vjen në vend të Useinit, përcjell Telegrafi Maqedoni.
Ai ka qenë këshilltar i BDI-së në Komunën e Ohrit prej vitit 2017, ndërsa për dorëheqjen e tij nuk pati diskutim.
Useini njihet në opinion edhe për ndërtimet pa leje në rrugën e vjetër Ohër-Strugë. Ai në prill të vitit të kaluar me kërcënime e ndaloi inspektoratin të kryejë hetime në ndërtimet e tij pa leje.
Advertisement
Për Useinin ka lëndë edhe në Prokurorinë e Ohrit, ndërsa edhe pas dy viteve nuk ka aktakuzë./Telegrafi/
Nefi Useini nuk është më këshilltar në Komunën e Ohrit shkruan Telegrafi.