Rendi i ditës për seancën e nesërme të Komitetit të Punëve të Jashtme (AFET) të Parlamentit Evropian nuk përfshin votimin për raportin e RMV-së për vitet 2023 dhe 2024 nga raportuesi Thomas Weitz, siç ishte planifikuar më parë.
Nga zyra e eurodeputetit austriak Weitz për AIM-n thonë se shtyrja ishte për shkak të mbivendosjes së orareve me partitë e tjera politike.
“Eurodeputeti Weitz dëshiron të organizojë takime sa më gjithëpërfshirëse të jetë e mundur”, informoi një nga asistentët e tij.
Sipas tij, Parlamenti Europian do të votojë për raportin e Weitz për vendin në seancën plenare në korrik.
“Shërbimi për shtyp i Parlamentit Evropian informoi për AIM-n se raporti për vendin nuk është në rendin e ditës të AFET-it të nesërm për shkak të “arsyeve thjesht administrative”. Kjo ndodh shpesh në AFET”, theksoi një zëdhënës i PE-së.
Takimi i radhës i AFET-it është planifikuar për 4 dhe 5 qershor./Telegrafi/
The post Parlamentin Europian shtynë votimin për raportin e Weitz për Maqedoninë e Veriut appeared first on Telegrafi.