Ministri i Arsimit dhe Shkencës të RMV-së, Jeton Shaqiri, beson se procesi i negociatave me SASHK-në ka përfunduar dhe se është arritur një marrëveshje përfundimtare.
“Ajo që po them është se rekomandimet e ndërmjetësuesit janë pranuar dhe para një ore janë nënshkruar në Ministrinë e Arsimit dhe Shkencës mes nesh dhe SASHK-ut. Mendoj se secili nga mësuesit dhe profesorët e kanë përfituar nga procesi. Kemi fituar në paga, marrëveshje kolektive dhe mendoj se nga ana e të gjitha trupave dhe organeve brenda SASHK-ut kjo duhet të pranohet.
Sipas informacioneve të mia nga shkollat fillore dhe të mesme, një pjesë e stafit arsimor e kanë pranuar dhe mirëpritur marrëveshjen e arritur”, njofton Shaqiri për “Sitel”.
Sipas tij, të gjithë duhet ta mirëpresim vendimin, qoftë qeveria apo opozita./Telegrafi/
Shaqiri: Një pjesë e mësimdhënësve e kanë mirëpritur marrëveshjen me SASHK-un shkruan Telegrafi.