Shkarkohet nga detyra Naqe Çulev, akuzon LSDM-në për regjim institucional

Pinterest LinkedIn Tumblr +

Ish-ministri teknik i Punëve të Brendshme, Naqe Çulev, ka bërë të ditur se është shkarkuar nga puna si agjent zbulimi dhe se nuk është më pjesë e sistemit të sigurisë shtetërore.

Ai ka treguar se është shkarkuar për shkak të “ekstremizmit dhe radikalizmit”.

“Ajo që për të gjithë ne është patriotizëm për këtë qeveri tradhtare është ekstremizmi dhe radikalizmi. Regjimi hibrid i udhëhequr nga LSDM po e shkatërron shtetin me të gjitha forcat, po godet profesionistët, po përpiqet të demotivojë patriotët dhe të partizojë institucionet. Pas më shumë se 25 viteve të kaluara në shërbim të atdheut dhe qytetarëve të Maqedonisë, pa fajin tim, për keqardhjen time, nuk jam më pjesë e sistemit të sigurisë. Regjimi kriminal që drejton qeverinë dhe fatkeqësisht drejton vendin me të gjitha forcat e tij, më ka goditur mua dhe integritetin tim profesional. Unë jam një person profesionist që e ndërtoi karrierën hap pas hapi, duke filluar nga shkalla më e ulët në shërbim. Gjatë gjithë këtyre viteve kam qenë në ballë të mbrojtjes së rendit kushtetues, sovranitetit dhe integritetit territorial, sigurisë dhe interesave të Maqedonisë. Unë e dua vendin dhe kam kontribuar për të. Gjithashtu kam marrë pjesë në shumë operacione për mbështetjen e sigurisë ndërkombëtare, për të cilat kam marrë çmime dhe mirënjohje nga disa ish-drejtorë të institucionit mëmë dhe presidenti i shtetit, si dhe nga partnerë ndërkombëtarë”, ka deklaruar Çulev.

Ai shton se integriteti i tij nuk e ka lënë të shantazhohet dhe se do të vazhdojë të punojë bashkë me opozitën.

Advertisement

“Në periudhën e kaluar kam dërguar një mesazh të qartë në disa raste dhe sot po e bëj sërish dhe sërish pa mëdyshje. Persekutimi politik, të gjitha presionet, kërcënimet dhe shantazhet ndaj meje dhe pjesëtarëve të tjerë të komunitetit të sigurisë nuk do të japin fryte. Ne do të vazhdojmë të jemi me kapacitet të plotë në mbrojtje të Maqedonisë dhe interesave të Maqedonisë dhe të gjithë ata që veprojnë në mënyrë të kundërligjshme do të mbajnë përgjegjësi para institucioneve kompetente.”, është shprehur Çulev.

Shkarkohet nga detyra Naqe Çulev, akuzon LSDM-në për regjim institucional shkruan Telegrafi.

Share.

Comments are closed.

Copyright © 2022 Struga.info | Privacy policy