Zyra e BE-së në Shkup: Jemi duke monitoruar situatën, por kjo është çështje e organeve kompetente

Pinterest LinkedIn Tumblr +
Zyra e BE-së në Shkup: Jemi duke monitoruar situatën, por kjo është çështje e organeve kompetente

Bashkimi Evropian është duke i monitoruar nga afër të gjitha zhvillimet, duke përfshirë edhe përplasjet e fundit publike, thonë nga Zyra e BE-së në Maqedoninë e Veriut, pas thirrjes për ndihmë ndërkombëtare të kryetares së Prokurorisë për ndjekjen e krimit të organizuar, Vilma Ruskovska, përcjell Telegrafi Maqedoni.

Ruskovska u bëri thirrje të gjitha institucioneve dhe ambasadave ndërkombëtare, mbi të gjitha Ambasadës Amerikane dhe Zyrës së BE-së, që të kontrollojnë njëherë e mirë të gjitha faktet dhe të sqarojnë se kush në këtë vend lufton krimin dhe kush e bën krimin.

“Zbatimi i shtetit të së drejtës është një nga prioritetet më të larta për Bashkimin Evropian. Është një pjesë thelbësore e “themeleve” të grupit të ardhshëm të negociatave, të cilat do të hapen së pari në negociatat e anëtarësimit me BE-në.

Ligjet në fuqi përshkruajnë kompetencat përkatëse të autoriteteve kombëtare dhe mënyrat e bashkëpunimit të tyre të ndërsjellë, të cilat duhet të respektohen. Kjo çështje duhet të zgjidhet nga autoritetet kompetente”, kanë thënë nga Zyra e BE-së për “Radio Evropa e Lirë”.

Advertisement

Njoftimi i Ruskovskës, në të cilin ajo kërkon ndihmë ndërkombëtare, pasoi pas luftës mediatike me drejtorin e Policisë Financiare, Arafat Muaremi, dhe njoftimin se do të ngrit kallëzim penal kundër Ruskovskës dhe dy prokuroreve të tjera, të cilat më 18 të këtij muaji kanë kryer bastisje në Drejtorin e Policisë Financiare./Telegrafi/


Reagon Ambasada e SHBA-ve në Shkup pas kërkesës së prokurores Vilma Ruskovska

Advertisement

Zyra e BE-së në Shkup: Jemi duke monitoruar situatën, por kjo është çështje e organeve kompetente shkruan Telegrafi.

Share.

Comments are closed.

Copyright © 2022 Struga.info | Privacy policy