Altin Morina, shefi i stërvitjes tek RENEA pjesë e bandave! Nga lidhja me Vis Martinin tek trafiku i kokainës dhe heroinës

Pinterest LinkedIn Tumblr +
Altin Morina, shefi i stërvitjes tek RENEA pjesë e bandave! Nga lidhja me Vis Martinin tek trafiku i kokainës dhe heroinës

I përfshirë në aktivitete kriminale, të ngjashme me personazhet më të egër e botës së krimit, ky ështe efektivi i RENEA-s  Altin Morina i cili u arrestua një ditë më parë nga kolegët e tij.

 

Burime për Vizion Plus shprehen se Altin Morina pak para se ti vendoseshin prangat ka qënë në mjetin e tij me një punonjës të lartë të një agjencie ligjzbatuese në vend me të cilin janë ndarë te Kodra e Diellit.

 

Advertisement

Paratë e gjetura në mjetin e tij, 113 mijë euro dhe shuma të tjera, i përkisnin vetë Morinës, por që tregojnë majën e ajsbergut të aktiviteteve të tij kriminale.

 

Altin Morina dyshohet se kishte njohje dhe lidhje me grupin e Ervis Martinajt.

 

Advertisement

Madje para pak ditësh ai është takuar me një njëri të afërm të Martinajt. Efektivi i RENEA-s e mbronte këte te fundit për ndonjë atentat të mundshëm.

 

Të njëjtat burime i konfirmuan Vizion Plus se Morina dyshohet të jetë i përfshirë në trafikun e heroinës dhe kokainës kryesisht në Tiranë, Elbasan dhe Shkodër.

 

Advertisement

Roli i tij ishte të mbronte pikëtisht trafikantët e drogave të forta.

 

Madje ditën e djeshme ai ka qënë në Elbasan ku dyshohet se ka dorëzuar një shumë parash.

 

Advertisement

Dyshohet gjithashtu se Morina kishte lidhje edhe me Kreshnik Halilajn.

 

Ky i fundit u arrestua para disa kohësh për arsenal armësh dhe kokainë. Ishte efektivi i RENEA-s ai që e ndihmoi Halilajn që të shpëtonte nga burgu.

 

Advertisement

Morina fshehu provat, konkretisht 250 gram kokainë që u gjetën në banesën e Halilajt e raportoi si miell.

 

Hetuesit kanë tentuar tre herë ta marrin në pyetje, por Morina nuk ka folur asnje fjalë.

 

Advertisement

Altin Morina e nisi karierën në polici në vitin 2006 në Komisariatin nr 3 në sektorin e krimeve. Në 2010 ka kaluar te Kontrolli i Brendshëm dhe më pas tek RENEA. Në vitin 2015, ka qenë edhe tek FNSH.

 

Po në 2015-ën punonte si bodigard në një lokal nate.

 

Advertisement

Në atë kohë është përjashtuar nga policia, pasi u përfshi në një konflikt.

 

Me vendim gjykate, ai u rikthye në polici.

 

Advertisement

Ka punuar edhe në drejtorinë e Antiterrorit në 2019, ndërsa në 2021 ka qenë shef komisariati në Mallakastër.

 

Së fundmi, në 2022 kaloi si shef stërvitje në RENEA.

Advertisement
Share.

Comments are closed.

Copyright © 2023 Struga.info | Privacy policy