Banorë të Divjakës kundërshtuan këtë të martë vendimin e ministrisë së mjedisit për të bërë me pagesë hyrjen në parkun kombëtar të Karavastasë. Autoritetet kanë vendosur një tarifë prej 50 lekësh për çdo vizitor që hyn në zonën e parkut, dhe 150 lekë për automjetet.
Janë ca parazit të pyjores këtu, marrin rrogën e shtetit dhe bëjnë sikur e mbrojnë pyllin. Këta e mbrojnë pyllin e Divjakës? E mbron vetë Divjaka. Por këta janë parazitë.
Kush janë këta maskarenj. Këtu nuk bëhet. Ne do ta bllokojmë. Cfarë është ky tra këtu. Lere moj popullin të hyj. Ata paguajnë. Ca është kjo. Problemet këtu janë pafund. Këtu shteti nuk ekziston fare. Ekziston vetëm kur ka na një pagesë.
Tentativat për vendosjen e traut mbrojtës kanë nisur fillimisht në muajin shtator, por autoritetet u tërhoqën. Protestës iu bashkuan edhe deputetë të Partisë Demokratike, ndërsa socialisti Erion Braçe, e quajti vendimin një çmenduri.
