Nëse keni një makinë me timon anglez që e keni targuar pas vitit 2015, ju nuk do të mund të qarkulloni më në rrugë. Drejtoria e Shërbimit dhe Transportit Rrugor thotë se këto makina nuk do të marrin asnjë shërbim.
“Për të gjitha këto mjete që kanë hyrë në kundërshtim me ligjin drejtuesve të tyre nuk do t’u shërbehet më, deri sa të vijnë pranë zyrave tona dhe të kthejnë timonin në krahun e duhur dhe ta riregjistrojnë atë nga e para.”
Advertisement
E gjithë kjo situatë, sipas Gonxhes, do të shoqërohet edhe me ndëshkimin e punonjësve që kanë miratuar targimin e tyre në kundërshtim me ligjin. Kjo masë është e nevojshme, pasi këto mjete janë një burim aksidentesh.
