Flakët e zjarrit shkrumbuan makinën e 66-vjeçarit Ndue Pjetrushi, një biznesmen hidrokarburesh në Lezhë.
Ngjarja ndodhi rreth orës 4 të mëngjesit, ndërkohë që mjeti tip “Benz” ishte i parkuar në anë të rrugës, para shtëpisë dykatëshe të biznemenit.
66-vjeçari, i cili ushtron prej vitesh aktivitetin tregtar të hidrokarbureve Shqipëri-Kosovë, u shpreh për mediat se nuk ka konflikt me njeri dhe kërkoi që hetimet të zbulojnë nëse zjarrvënia ishte e qëllimshme.
NDUE PJETRUSHI
BIZNESMEN
Advertisement“Rreth orës 4 pa 10 kam dërgjuar një shpërthim. Kam dalë në ballkon dhe kam parë makinë duke u djegur. Në moment kam lajmëruar policinë. Erdhi dhe zjarrfikësja, e fikën zjarrin dhe kaq ishte. Nuk kam asnjë konflikt me askënd. Kush më njeh, e di që nuk jam i problemeve. Kam biznes transport nafte Shqipëri-Kosovë. Unë për vete nuk dyshoj, mund të jetë edhe e qëllimshme, dhe që ka marrë vetë. Unë nuk jam specialist, por e nxjerr hetimi.”
Nga ana e policisë kanë nisur hetimet dhe paraprakisht dyshohet se zjarri mund të jetë shkaktuar nga defekte të makinës.