Policia e Tiranës ka sekuestruar 2000 litra naftë.
Përmes një njoftimi, blutë bëjnë me dije se gjatë kontrollit në banesën e shtetasit me iniciale B.S është gjetur dhe sekuestruar një pompe karburanti dhe një depozite metalike, e cila ishte e mbushur me 2000 litra naftë, e dyshuar kontrabandë.
Shtetasi B.S i cili u arrestua nga policia e ushtronte këtë aktivitet në bashkëpunim me me shtetasin G.P i cili u procedua penalisht.
Finalizohet operacioni policor i koduar “Diesel 2”.
AdvertisementOperacioni, nga Seksioni për Hetimin e Krimit Ekonomik dhe Financiar në DVP Tiranë.
Sekuestrohen 2000 litra naftë kontrabandë dhe një pompë karburanti.
AdvertisementVihet në pranga 1 shtetas dhe procedohet penalisht 1 tjetër.
Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, se një shtetas ushtronte aktivitet të paligjshëm në fushën e tregtimit të hidrokarbureve, në banesën e tij, në rrugën “Azem Galica”, organizuan dhe finalizuan operacionin policor të koduar “Diesel 2”.
AdvertisementSi rezultat i këtij operacioni u arrestua në flagrancë shtetasi B. S., si dhe u procedua penalisht shtetasi G. P., të dy banues në Tiranë.
Nga veprimet hetimore të kryera ka rezultuar se shtetasi B. S. ushtronte aktivitetin e paligjshëm të tregtimit të hidrokarbureve, në bashkëpunim me shtetasin G. P., që e kishte punësuar. Gjatë kontrollit në banesën e shtetasit B. S. u konstatua një ambient i përshtatur për vendosjen e një pompe karburanti dhe një depozite metalike, e cila ishte e mbushur me 2000 litra naftë, e dyshuar kontrabandë.
AdvertisementMaterialet i kaluan Prokurorisë, për veprime të mëtejshme procedurale.
