Kriza e çmimeve duket se ka dhënë ndikim të fortë edhe në projektet infrastrukturore, ku disa prej tyre thuajse janë pezulluar për shkak të kostove të larta që janë krijuar.
Në këto kushte qeveria ka gati një akt normativ për të kryer një indeksim për kontratat publike me fokus në infrastrukture.
Sipas të dhënave akti normativ parashikon një mbështetje shtesë buxhetore për tre produktet bazë që kanë shënuar edhe rritjen më të ndjeshme të çmimeve, për hekurin, çimenton dhe bitumin.
Sipas të dhënave zyrtare ministria e financave është në fazën finale për të përcaktuar edhe shifrën që do të rishpërndajë ndaj kompanive që po kryejnë investimet publike.
Fondi që do të përcaktohet do të merret nga të ardhurat shtesë që ka mbledhur ministria nga rritja e çmimeve.
Shumë kontrata janë lidhur me institucionet publike para se të niste kriza e çmimeve. Por shtrenjtimi I ndjeshëm I tyre, sidomos I hekurit në muajt e parë të vitit, bëri që ndërtuesit të vihen përballë vështirësisë për të vijuar më tej punimet.
Shoqata e ndërtuesi në një letër publike I kërkoi qeverisë që të ndërhyjë, pasi investimet jo vetëm që do të shtyheshin në kohë, por situata do të krijonte ngërç edhe në pagesat zinxhir të punës së kompanisë.
