Një tjetër efektiv policie i përfshirë në trafik droge. Amarildo Kureta është arrestuar në Greqi sapo ka kaluar kufirin pasi rezultonte se ishte shpallur në kërkim nga Interpol.
32 vjeçari rezulton i përjashtuar në fillim të muajit shtator nga Policia e Shtetit, pasi ndërkombëtarët sillen informacionin e hetimeve. Kureta që ka qenë pjesë e efektivëve të Forcave Operacionale në Berat, kërkohej nga Italia nën akuzën e trafikimit të narkotikëve.
Në hetimet që kanë zgjatur për disa vjet, është arritur të provohet se ka pasur lidhje me një grup të strukturuar kriminal në fushën e trafikimit të drogës, e cila është zbuluar përmes dekodimit të bisedave të tij përmes celularit.
Arrestimi i tij në Greqi është bërë për efekt ekstradimi dhe pritet që në vijim t’u dorëzohet autoriteteve italiane.
