Dy grupimet e PD vijojnë përballjen e tyre për vulën e partisë në Gjykatën e Apelit. Përfaqësuesit e Berishës pretendojnë se Alibeaj nuk ka kompetencat e duhura ligjore për të ankimuar vendimin e Gjykatës së Tiranë, që legjitimoi Kuvendin Kombëtar të 11 dhjetorit.
“Autorizimi i Alibeajt është në mungesë të gjatë të kryetarit, jo si autorizim dhe delegim i përgjegjësive të tagrit ligjor, por thjesht si përfaqësim, gjë e cila mind te merrej edhe nga sekretari ligjor i partisë.
Këtë çorbë nuk ia zgjidhni dot as ju, as unë, as vetë ata që e kanë bërë. Po këtë nuk e kanë menduar këta ndaj jemi këtu ku jemi”, deklaroi Ivi Kaso.
Advertisement
Por sipas përfaqësuesve të grupimit të Alibeajt, Gjykata e Tiranës ka gabuar pasi ka legjimituar disa persona që kana vepruar në kundërshtim me statutin e partisë. Sipas tyre vendimet e marra në Kuvendin Kombëtar të 11 dhjetorit nuk janë të pavlefshme.
“Vendimi per Komisionin e Rithemelimit është nul. Gjitheë procesi çojnë në një përfundi, që Kuvendi i 11 dhjetorit dhe vendimet e marra prej tij janë të paligjshme”, thanë përfaqësuesit e Alibeajt.
Advertisement
Gjykata e Apelit pritet që të japë vendimin se kujt i përket vula e Partisë Demokratike. Ky vendim do të jetë mjaft i rëndësishëm dhe për ecurinë e kësaj force poltike në përballjen e radhës me kundërshtarët e kampit tjetër.
