Protesta e opozitës/ Shoqërohen në komisariat tre persona

Policia ka shoqëruar në komisariat 3 persona, pas protestës që u mbajt pasditen e kësaj të hëne para Parlamentit.

Protestuesit, u shoqëruan pas incidenteve që u krijuan me hedhjen e flakadanëve dhe përplasjet me efektivët e policisë.

Deri tani, nuk ka informacione mbi identitetin e tyre dhe pritet të shihet nëse do të ketë të tjerë persona të shoqëruar në komisariat.

Blutë, ashtu si në protestën e të shtunës, edhe sot ka mbajtur nën monitorim tubimin, duke identifikuar personat që kanë hedhur mjete piroteknike në drejtim të oborrit të Kuvendit dhe policëve.