Rama takim me kreun e Agjencisë së Sigurisë Kibernetike të Izraelit: Do të jetë partneri ynë strategjik

Agjencia e Sigurisë Kibernetike e Izraelit do të jetë partneri strategjik i Shqipërisë për mbrojtjen kibernetike.

Lajmin e ka bërë të ditur kreu i qeverisë, i cili u takua me kreun e kësaj agjencie, gjatë vizitës së tij në Tel Aviv.

“Me drejtuesin e Agjencisë së Sigurisë Kibernetike të Izraelit, e cila do të jetë partneri ynë strategjik në fuqizimin e mbrojtjes kibernetike dhe ngritjen e një qendre ekselence për sigurinë kibernetike.”- shkruan Kryeministri.

Rama së bashku me ministret Muzhaqi e Ibrahimaj ndodhen prej dy ditësh në Izrael për një vizitë zyrtare.

Më herët kryeministri u takua me homologun e tij izraelit Yair Lapid, kreun e opozitës Benjamin Netanyahu si edhe zyrtarë të tjerë.