Një market në Kamëz është dëmtuar gjatë natën nga një lëndë plasëse. Lënda plasëse dyshohet se është vënë qëllimisht dhe si pasojë janë dëmtuar vetrata anësore të marketit.
Sipas burimeve, lënda plasëse është vendosur në marketin në pronësi të familjarit të Naim Qarrit, ish president i klubit të Kamzës.
Pronarët e marketit kanë deklaruar se nuk kanë konflikte dhe nuk e dinë se kush mund të jenë autorë të ngjarjes. Autori dallohet përmes pamjeve të kamerave të sigurisë, por për shkak të errësirës nuk është i mundur identifikimi.
Grupi hetimor po punon për kapjen e autorit.
Njoftimi i policisë:
Kamzë/Informacion paraprak
Më datë 08.03.2023, rreth orës 01:55, në rrugën “Demokracia”, është dëmtuar vetrata anësore e marketit të shtetasit A. Q.
Nga veprimet e para dyshohet se është dëmtuar nga lënde plasëse.
Grupi hetimor po punon për zbardhjen e rrethanave të ngjarjes dhe identifikimin e kapjen e autorit.
