Ish-kryeparlamentarja Jozefina Topalli ka reaguar pas vendimit të Gjykatës së Apelit, e cila vendosi të kthejë për rishqyrtim çështjen e vulës në Shkallën e Parë.
Në një postim në Facebook, Topalli tha se vendimi i Apelit është më i ziu në historinë e politikës shqiptare.
Sipas saj, nga sot, opozita caktohet nga qeveria, teksa shton se pluralizmi në vend është i rrezikuar.
“Nga sot , kryetaret e partive i cakton Kryetari i Qeverise permes vendimeve te Gjykatave te tij.
Vendimi i sotem eshte vendimi me i Zi politik , i marre nen petkun e drejtesise, i ngjashem ne thelb me vendimin e gjykates ne vitin 1946, qe vendosi pushkatimin deputeteve te opozites.
AdvertisementPresioni i pushtetit mbi Gjykaten edhe brenda salles eshte provokimi me i rende i nje opozite qe perpiqet te ruaj pluralizmin ne kushte shume komplekse.
Nga Sot , opoziten e emeron qeveria”, tha Topalli.
Ish kryeparlamentarja shtoi më tej se pluralizmi politik është në rrezik, teksa thekson se ky vendim ishte paralajmëruar nga qeveria në Kuvend.
“Praktikisht, sot sistemi i pluralizmit eshte ne udhekryqin e vet me te rrezikshem.
Dhuna brutale e vendimit te cmendur te tre gjykatesve qafe perkulur ka vene ne pikepyetje cdo gje qe kemi arritur ne keta 3 dekada.
Vendimi ne fakt ishte paralajmeruar nga pushteti ne qeveri dhe Parlament, per turpin e tyre e te atyre qe marrin persiper keta veprime qe mund te cojne ne peplasje te pakontrolluara te njerezve.
AdvertisementNga sot , pluralizmi shqiptar rrezikon ekzistencen”, tha Topalli.
Tashmë me vendimin e Apelit, e drejta për tu regjistruar për zgjedhjet vendore të 14 majit i takon grupimit të Enkelejd Alibeajt.
