Një aksident i rëndë është regjistruar pasditen e kësaj të hëne në rrugën Transballkanike në Vlorë. Dy automjete janë përplasur me njëri-tjetrin dhe si pasojë është lënduar një person.
Mësohet se personi i lënduar është një grua e cila është dërguar me urgjencë në spital. Gjendja e saj shëndetësore raportohet e rëndë.
Mësohet se drejtuesi i njërit nga mjetet e përfshira në aksident, fillimisht ka aksidentuar një grua. Në tentativë për t’u larguar me shpejtësi nga vendngjarja, Albert Mamli ka shkaktuar dhe aksidentin e dytë.
Njoftimi i policisë:
Vlorë/Informacion paraprak
Rreth orës 17:40, shtetasi A. L., rreth 45 vjeç, duke drejtuar automjetin tip “Volkswagen”, në rrugën “Gjergj Kastrioti”, ka aksidentuar shtetasen I. S., rreth 66 vjeçe, këmbësore në rrugë.
Drejtuesi i automjetit është larguar nga vendi i aksidentit dhe ka vijuar lëvizjen, në këtë aks rrugor, ku pas disa metrash është përplasur me automjetin me drejtues shtetasin B. C., 63 vjeç.
Shtetasja I. S dhe shtetasi B. C, janë transportuar në spital dhe ndodhen nën kujdesin e mjekëve.
Drejtuesi i automjetit, shtetasi A. L. u shoqërua në Komisariat, për veprime të mëtejshme.
Grupi hetimor po kryen veprimet e mëtejshme për këtë rast.
