De Bruyne te City deri në vitin 2025

Pinterest LinkedIn Tumblr +

Mesfushori belg Kevin De Bruyne ka rinovuar edhe për dy vjet kontratën me Manchester Cityn, e cila do ta mbajë te ekipi anglez deri në verën e vitit 2025.

Lajmi është konfirmuar të mërkurën në sajtin zyrtar të Cityt.

De Bruyne ka thënë se ndihet shumë i lumtur që ka vazhduar bashkëpunimin me Cityn, ekip me të cilin ka fituar dy tituj kampioni në Premier League, një trofe të FA Cup dhe katër të tjerë të League Cup.

Ai është pjesë e skuadrës angleze prej vitit 2015.

Advertisement

“Nuk kisha mund të jem më i lumtur. Prej se jam pjesë e Cityt, gjithmonë jam ndier si në shtëpi. E dua klubin dhe tifozët kurse familja ime është përshtatur me jetën në Manchester derisa unë si lojtar jam zhvilluar edhe më shumë”, është shprehur De Bruyne. “Tani, do të mundohem ta ndihmoj ekipin në arritjen e objektivave por fillimisht jam i fokusuar në sezonin aktual”.

Belgu 29-vjeçar këtë sezon ka shënuar tetë gola dhe ka bërë 16 asistime në 33 ndeshje për Cityn në të gjitha garat.

Share.

Comments are closed.

Copyright © 2021 Struga.info | Privacy policy