Shiriti i Ronaldos shitet për 64 mijë euro, paratë do të jepen ndihmë për një foshnje serbe

Pinterest LinkedIn Tumblr +

Shiriti i kapitenit që Cristiano Ronaldo e hodhi me frustrim në tokë gjatë ndeshjes kualifikuese të Portugalisë për Kupën e Botës në Beograd javën e kaluar i është shitur një ofertuesi të paidentifikuar për 64 mijë euro në një ankand bamirësie, njoftoi televizioni shtetëror serb të premten.

Një grup humanitar serb vendosi në ankand në internet shiritin blu për të mbledhur para për trajtimin mjekësor për një djalë 6-muajsh që vuan nga atrofia muskulore kurrizore.

Ankandi tre-ditor nuk kaloi pa polemikë pasi disa pjesëmarrës u përpoqën të prishnin procesin duke vendosur shuma të mëdha joreale. Ofertimi i rremë shkaktoi zemërim në publik, me autoritetet serbe që u zotuan të gjenin dhe ndëshkonin fajtorët.

Në minutat e fundit të ndeshjes, Ronaldos iu mohua goli i rregullt që do i sillte fitoren Përfaqësueses portugeze pasi topi kaloi vijën, megjithatë gjyqtari nuk e konsideroi të tillë. Kjo shkaktoi zemërim te ylli i Juventusit, që hodhi shiritin në tokë.

Advertisement

Ronaldo u kritikua për veprimet e tij dhe disa besojnë se shfaqja e tij e zemëruar mund të çojë në sanksione të FIFA-s.

Share.

Comments are closed.

Copyright © 2021 Struga.info | Privacy policy