SKANDALI: Armando Duka nxjerr në fushatë trajnerët e Kombëtares, shantazhojnë shoqatat për tu marrë votat

Pinterest LinkedIn Tumblr +
SKANDALI: Armando Duka nxjerr në fushatë trajnerët e Kombëtares, shantazhojnë shoqatat për tu marrë votat

Armando Duka në një konferencë ditën e shtunë u shpreh se ende nuk e ka vendosur nëse do të kandidojë për zgjedhjet e radhës të Federatës Shqiptare të Futbollit që do të zhvillohen në muajin shkurt.

Një deklaratë që duket se është e pabesushme, pasi ai ka nisur prej kohësh punën për të rrëmbyer edhe një mandate tjetër në krye të institucionit të futbollit shqiptar, të cilin e ka zaptuar prej 20 vitesh.

Dhe për të bërë të mundur manipulimin e fitores së tij, Armando Duka ka nisur nga puna duke angazhuar gjithë punonjësit e Federatës që të angazhohen për t’i siguruar atij votat.

Burime për Gazetën TemA kanë bërë me dije se prej javësh trajnerët e ekipeve kombëtare po përfshihen në mënyrë skandaloze në fushatë, duke bërë presione e shantazhe për të marrë votat e disa shoqatave për punëdhënsin e tyre.

Advertisement

Burimet për Gazetën TemA kanë bërë të ditur se trajneri i kombëtares së femrave Armir Grima dhe tekniku i kombëtares U-19 kane nisur  presionet tek shoqatat rajonale të Shkodrës që kanë të drejtë vote për Asamblenë Zgjedhore të muajit shkurt.

Armir Grima dhe Armando Cungu me veprime shantazhuese po ushtrojnë presion votuesve të shoqatës rajonale në Shkodër që të deklarojnë dhe të votojnë kreun aktual të FSHF-së Armando Dukën.

Përveç Grimës dhe Cungut, në këtë aksion është përfshirë dhe trajneri aktual i kombëtares U-21 Alban Bushi. Edhe ky i fundit përmes presioneve ka dal nëpër rrethe per te mbledhur vota për Armando Dukën, duke kërcënuar shoqatat rajnonale

Kjo është një shkelje dhe konflikt i pastër interesi i FSHF-së që ka nisur nga puna për manipulime e zgjedhjeve. (TemA)

Advertisement
Share.

Comments are closed.

Copyright © 2021 Struga.info | Privacy policy