Strakosha gjithnjë e më larg Lazios, Tare gjen zëvendësuesin dhe i bën nder Berishës

Pinterest LinkedIn Tumblr +
Strakosha gjithnjë e më larg Lazios, Tare gjen zëvendësuesin dhe i bën nder Berishës

Me kontratën në skadencë dhe me bisedimet e “ngrira”, Thomas Strakosha duket gjithnjë e më larg Lazios. Gardiani i kombëtares shqiptare ka kaluar më shumë kohë në stol këto dy sezonet e fundit dhe kjo situatë nuk e kënaq aspak, aq më tepër kur për të ka interes nga Premier League.

Klubi i Newcastle është gati t’i besojë Strakoshës dhe për 26-vjeçarin mund të ketë zhvillime në merkaton e janarit.

Ndaj, drejtori sportiv i Lazio, Igli Tare kërkon të mos mbetet i befasuar nga lëvizjet e janarit dhe ka nisur nga puna për të gjetur pasuesin e Strakoshës.

Në fokus është portieri i Torinos, Vanja Milinkovic-Savic, i cili është edhe vëllai i Sergej, mesfushorit të bardhekaltërve. Serbi ka bindur me paraqitjet e tij te skuadra “granata” dhe kështu është kthyer në opsion real për Lazion.

Advertisement

Ndërkohë, të gjitha këto lëvizje do t’i shkonin për shtat portierit tjetër të kombëtares, Etrit Berisha. Ky i fundit është transferuar këtë sezon te Torino, por nuk ka gjetur hapësira dhe në janar në rast largimi të Milinkovic drejt kryeqytetit, atëherë ai do të kthehej numri 1 për italianët duke përfituar nga puna e Igli Tares.

Share.

Comments are closed.

Copyright © 2021 Struga.info | Privacy policy