Adoleshenti nga Florida arrestohet për sulm kibernetik ndaj Twitterit

Pinterest LinkedIn Tumblr +

Një adoleshent nga Florida është arrestuar për një sulm të madh ndaj llogarive në Twitterit në korrik, sipas Zyrës së Prokurorit të Hillsborough në SHBA.

Më 15 korrik, llogaritë e shumë figurave të profilit të lartë në Twitter u sulmuan me një mashtrim me Bitcoina.

Prokurori i Shtetit i Hillsborough Andrew Waren ka shtruar 30 akuza penale për adoleshentin për “mashtrimin e njerëzve përgjatë tërë Amerikës”, shkruan BBC.

Akuzat përfshijnë mashtrim të organizuar dhe përdorim të rrejshëm të të dhënave personale.

Advertisement

Ky sulm arriti që në llogaritë e personave të profilit të lartë si Elon Musk, Bill Gates, Jef Bezos, Joe Biden, Barack Obama dhe Kim Kardashian të postohen kërkesa për donacione të Bitcoinit, transmeton KOHA.

“Si kriptomonedhë, Bitcoini është vështirë të përcillet dhe të kthehet nëse vidhet me mashtrim”, tha prokurori Warren në një deklaratë.

“Këto krime u kryen duke përdorur emrat e njerëzve të njohur, por ata nuk janë të vetmet viktima këtu. Ky mashtrim kishte për qëllim vjedhjen e parave nga të gjithë njerëzit në Amerikë”, shtoi ai.

Prokurori tha se hetimi për të zbuluar keqbërësin kishte qenë një bashkëpunim në mes Policisë së Floridas, FBI-së, Shërbimit Sekret dhe agjencive tjera.

Advertisement

Adoleshenti jeton në Tampa të Floridës.

Twitter tha në një deklaratë: “E çmojmë veprimin e shpejtë të zyrtarëve në këtë hetim dhe do të vazhdojmë bashkëpunimin.”

Pas këtij sulmi kibernetik, Twitter tha se hakerët i kishin mësyrë punonjësit e saj “që kanë qasje në sistemet e brendshme”.

Kjo kompani shtoi se kishte marrë “hapa të rëndësishëm” për të kufizuar qasjen ndaj këtyre sistemeve dhe po vazhdon hetimet përbrenda kompanisë.

Advertisement
Share.

Comments are closed.

Copyright © 2023 Struga.info | Privacy policy