Klonimi i specieve të zhdukura ka qenë një ëndërr e rrëfyer në shumë filma hollivudianë, duke filluar nga “Jurassic Park”.
Por kjo fantazi mund të shndërrohet në realitet relativisht shpejt. Ndër vite kanë qene të shumta kompanitë private, por edhe agjencitë shtetërore, që janë marrë me mundësinë e klonimit të kafshëve të ndryshme.
Por klonimi i një specie të zhdukur do të përbënte një hap më lartë, dhe mundësitë shtohen kur vetë CIA amerikane është një nga financuesit kryesorë.
Agjencia e njohur e shërbimeve sekrete ka financuar kompaninë Colossal Biosciences, që ka si objektiv klonimin e mamuthit, specie gjigante e familjes së elefantëve, që për mijëra vjet ka bashkëjetuar me njerëzimin, duke u zhdukur nga ndryshimet klimaterike dhe gjuetia.
Siç shpjegojnë autorët e eksperimentit, ata presin që të lind jo ekzaktësisht një mamuth prehistorik por një elefant që mbart brenda vetes specifikat e mamuthit, si përshembull rezistenca ndaj të ftohtit.
SHBA mbledh 15 milionë dollarë për klonimin e mamuthit
Kjo është pika kyçe e çështjes. Praktikisht, fondet e CIA nuk i drejtohen shumë llojit të kafshës së klonuar, që mund të jetë edhe nga specie të tjera s tigri i Tasmanisë ose zogu Dodo tashm ëtzhdukur, por vetë perfeksionimi i teknologjisë së klonimit.
Praktikisht bëhet fjalë për një kafshë që do të ketë veti të reja, dhe nuk mund të mos shkojë në mend që në të ardhmen kjo teknologji mund të përdoret edhe për krijimin e superushtarëve që mund të dërgohen në çdo fushëbetejë, edhe pse këtu hyjmë vërtetë në fushën e fantazisë.
