Merkel sulmon Twitter-in për mbylljen e llogarisë së Trump: Duhet të vendosin ligjet për lirinë e fjalës, jo koorporatat

Pinterest LinkedIn Tumblr +

Angela Merkel reagoi ashpër për mbylljen e llogarisë së Donald Trump në Twitter.

Ajo e cilësoi si “problematik“ vendimin e Twitter ndaj presidentit të Shteteve të Bashkuara.

Sipas zëdhënësit të saj, Steffen Seibert, “mund të ndërhyhet në lirinë e të shprehurit, por vetëm në bazë të kufizimeve të dhëna nga legjislatori, dhe jo me një vendim të menaxherëve të kompanisë.

Kjo është arsyeja pse kancelarja e cilëson si problematik vendimin për të mbyllur në mënyrë definitive profilin e presidentit amerikan”.

Advertisement

Mendimi i Merkel pason atë të ministrit francez të Ekonomisë, Bruno La Maire, i cili kishte kritikuar vendimin e Twitter sepse “më skandalizon fakti që rregulloren e gjigantëve digjitalë ta bëj vetë oligarkia digjitale, që është një nga rreziqet më të mëdha për shtetet dhe demokracitë”.

Twitter vendosi të mbyllë profilin e Donald Trump të premten, duke e akuzuar atë për një seri shkeljesh, që më së shumti kanë të bëjnë me lajme të rreme, dhe së fundmi për thirrjet e tij të cilësuara si të dhunshme.

Share.

Comments are closed.

Copyright © 2020 Struga.info | Privacy policy