Kryetari i Partisë së Lirisë, Ilir Meta, foli sot nga Korça për paraqitjen e vjehrrës së tij në SPAK, Fatime Kryemadhi.
Nëna e Monika Kryemadhit u paraqit dy ditë më parë në SPAK, për të dëshmuar për pasurinë e saj të paluajtshme. Vjehrra e Metës tha atë ditë për gazetarët se hetimet janë sulme politike, pasi vajza e saj ka denoncuar aferën e inceneratorëve, teksa shtoi se për shtëpinë që ka, ka punuar dhe e ka siguruar.
Lidhur me këtë Ilir Meta tha sot në konferencën e tij për mediat, se kjo çështje nuk përbën interes për atë. Sakaq ai tha se Fatime Kryemadhi është një zonjë e mrekullueshme dhe gjithçka tjetër është politikë dhe asgjë tjetër.
“Kjo nuk përbën asnjë interes për mua. Ajo është një zonjë e mrekullueshme dhe gjithçka tjetër është politikë dhe asgjë tjetër. Nuk kam asnjë informacion. Sa herë kam qenë në SPAK, kam dalë para gazetarëve. Sa herë të më ftojnë do u bëj dhe disa pyetje serioze prokurorëve. Kanë kërkuar dhe një mandat tjetër. Ua ka kërkuar Arben Ahmetaj ato 60 mln eurot ku janë, por nuk i gjejnë dot. Se kanë parë firmën e Veliajt.”, tha Meta./vizionplus.tv/