Hamasi pritet të shpallë zyrtarisht vendimin e tij për propozimin e fundit të armëpushimit të Gazës së shpejti, tha dje, duke lënë pak shpresa për një marrëveshje pasi një zyrtar i Hamasit tha mbrëmë se pozicioni i tyre për dokumentin aktual të negociatave është negativ.
Osama Hamdan, një zyrtar i Hamasit me bazë në Liban, i tha rrjetit televiziv Al-Manar të lidhur me Hezbollahun se qëndrimi i tyre për dokumentin aktual të negociatave është negativ.
Zyra e shtypit e Hamasit më pas sqaroi se pozicioni negativ nuk do të thotë se negociatat janë ndalur.
Hamasi të mërkurën mbrëma u shfaq i gatshëm të refuzonte propozimin e fundit të marrëveshjes së pengjeve të hartuar nga ndërmjetësit dhe miratuar nga Izraeli.
Sipas raportimeve, Hamasi do të paraqesë një propozim të amenduar të enjten tek ai i ndërmjetësve të Katarit, Egjiptit dhe Amerikan.
Megjithatë, është e paqartë nëse Izraeli do të jetë gati të tregojë fleksibilitet të mëtejshëm pasi tashmë ka rënë dakord për lirimin e 33 pengjeve femra, të moshuara dhe të sëmurë në fazën e parë të marrëveshjes së armëpushimit pasi Hamasi refuzoi një propozim të mëparshëm për lirimin e 40 pengjeve. /vizionplus.tv