Një aksident i rëndë ka ndodhur mëngjesin e sotëm, rreth orës 10:00, në Patrida Veria.
Mediet greke bëjnë me dije se një makinë e drejtuar nga një 64-vjeçar ka përplasur dy gra në një stacion autobusi.
Si pasojë një 68-vjeçare greke dhe një 21-vjeçare me origjinë shqiptare kanë humbur jetën.
21-vjeçarja fillimisht u dërgua e plagosur në spital, por nuk arriti t’i mbijetonte plagëve dhe ndërroi jetë.
“Makina e hodhi vajzën më shumë se dhjetë metra larg”, tha për protothema.gr presidenti i komunitetit Patrida Veria, Janis Sidiropoulos.
Shoferi 64-vjeçar, i cili dyshohet se nuk ishte mirë dhe për shkak të kësaj ka humbur kontrollin e makinës, si pasojë ka shkuar në drejtim të kundërt dhe ka shkaktuar aksidentin, është arrestuar, ndërsa ndaj tij është ngritur një çështje për vrasje nga pakujdesia dhe do të dërgohet në Prokurorinë e Rrethit Veria./vizionplus.tv