Navalni u ndalua në pikën e kontrollit të pasaportave në aeroportin Sheremetievo. Avokati i tij, që e shoqëronte gjatë udhëtimit, nuk u lejua ta shoqëronte kur mbërriti në Rusi.
Autoritetet ruse kishin thënë se Navalni shkeli termat e lirimit me kusht dhe se do të kërkonin arrestimin e tij.
Avioni me të cilin udhëtonte aktivisti rus, operohej nga shoqëria ruse e fluturimeve, Pobeda, e cila zotërohet nga kompania shtetërore Aeroflot. Avioni ishte planifikuar të zbriste në aeroportin Vnukovo, por zbriti në Sheremetievo, të dy aeroporte të Moskës.
Advertisement
google_ad_client = "ca-pub-9470492314070355";
google_ad_slot = "5632655076";
google_ad_width = 300;
google_ad_height = 250;
google_page_url ="http://www.zhaku.net/";
Përkrahësit e tij kishin thënë se do të dilnin në aeroportin Vnukovo të Moskës për ta pritur. Pritej që të dilnin edhe aktivistë pro-Kremlinit.
Zyra e Prokurorit të Përgjithshëm të Moskës kishte thënë që çdo grumbullim do të konsiderohej i paligjshëm pasi aktivistët nuk kishin siguruar leje paraprake.
Autoritetet e aeroportit thanë se nuk do të lejohej prania e gazetarëve, duke ngritur si arsyetim kufizimet për koronavirusin.