Shtimi i rasteve të lojtarëve me koronavirus, mund ta detyrojë klubin e Bayernit që të futet në karantinë para se të zhvillojë ndeshjen kundër Lazios në Champions League. Mediat gjermane shkruajnë se drejtuesit e kampioneve të europës po e mendojnë seriozisht një izolim total të ekipit që nga ndeshja kundër Ajntrahty Frankfurt në kampionat deri të martën në mbrëmje në duelin me skuadrën italiane.
Pavard, mbrojtësi francez ishte i fundit lojtar që iu shtua listës së atyre që janë pozitiv me Covid tek skuadra e madhe gjermane, që më heret kishte konfirmyar me Covid edhe Myler, Gorecka dhe Havi Martinez.Në fakt vendimi për të izoluar ekipin, nuk është vetëm një masë e mundshme kujdesi nga klubi, më tepër sesa udhëzim edhe i autoriteteve shëndetësore gjermane.
Departamenti shëndetësor i Mynihut, referuar mediave gjermane, mund të karantinojë një kompani nëse verën se janë shkelur rregullat e kujdesit anti-covid. Nga ana tjetër për trajnerin Flik është shqetësim edhe organika pasi vec lojtareve me Covid ai ka probleme edhe me dëmtimet si Gnabri dhe Dugllas Kostave, të cilëve së fundmi u është shtuar edhe Toliso, cka normalisht vështirëson zgjedhjen e trajnerit para ndeshjjes me Lazios në sfiden e parë të 1/8 të Champions League.