Në përmbledhjen vjetore të punës së komisionit Europian, presidentja Ursula Fon Der Lajen iu drejtua parlamentit me një ton të fortë mbi angazhimin për procesin e zgjerimit.
Shefja e ekzekutivit theksoi nevojën për të mos zhgënjyer pritshmëritë në vendet e Ballkanit Perëndimor.
URSULA VON DER LEYEN
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";PRESIDENTE E KOMISIONIT EUROPIAN
“Bashkimi Europian dhe Shtetet e Bashkuara do të jenë gjithmonë më të fortë të bashkuar. E njëjta vlen edhe për fqinjët tanë në Ballkanin Perëndimor. Deri në fund të këtij muaji do të vizitoj vendet e rajonit për ti siguruar edhe njëherë mbi përkushtimin tonë të palëkundur në procesin e zgjerimit.”
Presidentja Fon Der Lajen bëri të ditur se një paketë shtesë investimesh do të shpërndahet në vendet e rajonit.
“Iu detyrohemi të gjithë atyre të rinjve që besojnë në të ardhmen europiane. Prandaj ne po bashkëngjisim edhe një plan të ri ekonomik investimesh me vlerë sa një e treta e GDB-së së rajonit. Sepse investimi tek e ardhmja e rajonit në të vërtetë është investim për të ardhmen e Bashkimit Europian.”
Presidentja e Komisionit përshëndeti me entuziazëm menaxhimin e pandemisë nga ana e bllokut, duke thënë se Bashkimi Europian ia doli duke zgjedhur rrugën e solidaritetit.
Deri në vitin 2027 do të investohen 50 miliardë euro në sistemin shëndetësor.