Tensionet në veri të Kosovës kanë qenë pjesë e tyrezës së diskutimit në Forumin Strategjik të Bledit.
Kurti tha se bie dakord që të ulin përshkallëzimin e tensioneve, si dhe kërkoi mbështetjen e ndërkombëtarëve.
“Bie dakord, që të ulim përshkallëzimin dhe tensionet dhe në bashkitë veriore të Kosovës përgjatë 2 muajve nuk ka tensione apo incidente. Kemi ulur praninë e policisë në Kosovën veriore dhe shpresoj që të kemi zgjedhje të lira dhe demokratike, mezi pres zgjedhjet, na duhet mbështetja e ndërkombëtarëve, por dhe besoj se njerezit e Kosovës, ata që integrohen, jetojnë më mirë. Integrimi është diçka përfituese për ta. Ne kemi bërë shumë sa i përket pjesës së ekonomisë“, tha Kurti.
Ulja e tensioneve është e njëjta gjë dhe për ju zonja Bërnabiç? A mund të presim hapa pozitivë?- tha drejtuesi i Forumit.
“Për mua është një vend, nuk janë 2 vende. Kosova nuk është pjesë e Kombeve të Bashkuara. Dyshoj të jetë pjesë e BE-së derisa ka 5 vende që nuk e njohin. Normalizimi në interes të serbëve e shqiptarëve është në krye të prioriteteve tona”, tha kryeministrja e Serbisë, Bërnabiç.