Kisha Katolike në Gjermani do t’iu paguajë dëmshpërblime deri në 50 mijë euro viktimave të abuzimit seksual nga priftërinjtë dhe përfaqësuesit e tjerë të kishës. Për këtë hap, u ra dakord në asamblenë e përgjithshme të peshkopëve gjermanë në takimin e tyre në Fulda.
Duke iu referuar sistemit të mëparshëm, i abuzuari merrte gati 5,000 euro për vuajtjet.
Kisha Katolike është tronditur në vitet e fundit nga skandalet që përfshijnë abuzime seksuale.
Një raport i vitit 2018, i porositur nga Kisha Katolike, arriti në përfundimin se klerikët në Gjermani abuzuan me të paktën 3,677 njerëz midis 1946 dhe 2014. Më shumë se gjysma e viktimave ishin 13 vjeç ose më të rinj, kur u abuzuan.
Kreu i Konferencës së Peshkopëve Gjermanë, Georg Baetzing i Limburgut tha se do të ngrihet një komitet i pavarur për të shqyrtuar ankesat dhe për të vendosur mbi pagesat nga 1 janari i vitit të ardhshëm. Kostot e terapisë së viktimave do të mbulohen gjithashtu.
Dëmshpërblim deri në 50 mijë euro për viktimat e abuzimit nga priftërinjtë në Gjermani shkruan Vizion Plus.