Ministri i Emigracionit Robert Jenrick dha dorëheqjen sot pasi e djathta konservatore sulmoi planin e ri të Rishi Sunak për të dërguar azilkërkuesit në Ruandë. Dalja e ministrit të kabinetit nga qeveria u konfirmua nga Sekretari i Brendshëm James Cleverly.
Në letrën e dorëheqjes drejtuar Sunak, ai shkroi: “Unë nuk mund të vazhdoj në pozicionin tim kur kam mosmarrëveshje kaq të forta me drejtimin e politikës së qeverisë për imigracionin“.
Ai shtoi se nuk ishte në gjendje të merrte legjislacionin e propozuar aktualisht, pasi nuk beson se do ofrohen shanse të mira për sukses, raporton Daily Mail.
Sunak po kërkon të shmangë sfidat e mëtejshme të të drejtave të njeriut ndaj skemës së Ruandës përmes legjislacionit të ri që e shpall Ruandën një destinacion ‘të sigurt’ për ata që kalojnë Kanalin me varka të vogla.
Por pavarësisht se Gjykata Supreme britanike dha vendimin kundër dërgimit të emigrantëve në Ruanda, qeveria është e vendosur për largimin e tyre drejt shtetit afrikan.
Për këtë çështje, pak kohë më parë u largua edhe sekretarja Suella Braverman./vizionplus.tv