Mediat greke kanë publikuar dëshminë e 15-vjeçarit shqiptar, i cili denoncoi babanë e tij për dhunë në familje.
Adoleshenti kallëzoi në policinë e Selanikut babanë për dhunë fizike dhe psikologjike ndaj tij dhe nënës 44-vjeçare.
15-vjeçari ka thënë në polici se babai i tij bëhet i dhunshëm kur konsumon alkool me terpicë dhe se thellë është një person i mirë.
Sakaq ai ka thënë se ka frikë të jetojë në të njëjtin vend me babanë dhunues. Ai tha se babai i tij ka nevojë për ndihmë të specializuar.
“Ajo që unë dua është që ne ta ndihmojmë, ai të vazhdojë jetën i lirë dhe nëna ime të qetësohet. Nuk dua të jem pranë tij. Nuk është njeri i keq, thjesht nuk di çfarë bën kur dehet”, ka thënë 15-vjeçari.
Mesditën e sotme u zhvillua seanca gjyqësore për 50-vjeçarin. Gjykata e la të lirë shqiptarin, pasi gruaja dhe i biri tërhoqën denoncimin.
Nënë e bir u pajisën e urdhër mbrojtje nga gjykata. Tani e tutje ata nuk do të jetojnë më në të njëjtën banesë./vizionplus.tv/